თელავის სახელმწიფო უნივერსიტეტი აცხადებს მიღებას ოთხი უნივერსიტეტის ერთობლივ სადოქტორო საგანმანათლებლო პროგრამაზე „განათლების მეცნიერებები.“

სადოქტორო პროგრამაზე დასაშვებად აუცილებელია:

1.მაგისტრის ან მასთან გათანაბრებული ხარისხი;

2.განათლების სფეროში სამ წლიანი მუშაობის გამოცდილება (განათლების მეცნიერებაში მაგისტრის ხარისხის შემთხვევაში, განათლების სფეროში სამუშაო გამოცდილების სავალდებულო მოთხოვნა არ არის); 3.ინგლისურ ენაში გამოცდის ჩაბარება (B2 დონე); თუ აპლიკანტს სადოქტორო კვლევა დაგეგმილი აქვს უცხო ენის სწავლების მიმართულებით, მას დამატებით მოეთხოვება სათანადო ენის ცოდნა C1 დონეზე.

4.გამოცდის ჩაბარება პედაგოგიკაში (მისაღები გამოცდის თემატიკა იხილეთ tesau.edu.ge);

5.საკვლევი თემის განვითარების ხედვის წარდგენა წერილობით (სადოქტორო კვლევის მიმართულებები);

6.გასაუბრების გავლა საკვლევი თემის ირგვლივ;

7.სავარაუდო სამეცნიერო ხელმძღვანელის თანხმობა. „განათლების მეცნიერების“ სადოქტორო პროგრამაზე ჩარიცხვის მსურველთათვის დოკუმენტაციის მიღების ვადაა 22 – 29 აგვისტო;

2025-2026 სასწავლო წლის შემოდგომის სემესტრში დოქტორანტურის საგანმანათლებლო პროგრამებზე დოკუმენტაციის მიღება განხორციელდება ელექტრონულად, შემდეგ მისამართზე: https://uni-can.tsu.ge/login?returnUrl=%2F; უცხო ენაში(ინგლისური, ფრანგული, გერმანული) გამოცდა - 4 სექტემბერი, მისამართი- თსუ ბიბლიოთეკა, თბილისი, უნივერსიტეტის ქუჩა N 11;

დოქტორანტობის იმ კანდიდატთათვის, რომლებმაც დაადასტურეს/ჩააბარეს გამოცდა გერმანულ ან ფრანგულ ენაში, გამოცდა ინგლისურ ენაში- 11 სექტემბერი, მისამართი--თსუ ბიბლიოთეკა, თბილისი, უნივერსიტეტის ქუჩა N11;

გამოცდა სპეციალობაში (წერითი კომპონენტი) – 11-12 სექტემბერი, მისამართი-თსუ III კორპუსი, თბილისი, ჭავჭავაძის N 11; გასაუბრება საკვლევი თემის ირგვლივ (დისტანციურად) –18 სექტემბერი;

ხელშეკრულების გაფორმება დოქტორანტობის კანდიდატებთან - 22 სექტემბერი; თელავის სახელმწიფო უნივერსიტეტში ჩარიცხვის უფლების მქონე დოქტორანტები ხელშეკრულების გასაფორმებლად უნდა გამოცხადდნენ მისამართზე--თელავი, ქართული უნივერსიტეტის ქ.#1 , მეორე კორპუსი, ოთახი N 207 და წარადგინონ რეგისტრაციისას წარდგენილი ელექტრონული დოკუმენტაციის ორიგინალები;

დოქტორანტობის კანდიდატად რეგისტრაციისთვის წარსადგენი დოკუმენტაცია:

1.განცხადება თსუ-ს რექტორის სახელზე, ფორმა იხ. ვებ-გვერდზე;

2.განმცხადებლის ავტობიოგრაფია (CV);

3.მაგისტრის ან მასთან გათანაბრებული აკადემიური ხარისხის დამადასტურებელი დიპლომისა და დიპლომის დანართის დამოწმებული ასლი ( 2025 წლის მაგისტრატურის კურსდამთავრებულთათვის ცნობა ხარისხის მინიჭების თაობაზე);

4.ერთსაფეხურიანი, ხუთწლიანი, უმაღლესი განათლების დამადასტურებელი დოკუმენტის მაგისტრის აკადემიურ ხარისხთან გათანაბრების დამადასტურებელი დოკუმენტი (გაცემული სსიპ - განათლების ხარისხის განვითარების ეროვნული ცენტრის მიერ);

5.პირადობის დამადასტურებელი მოწმობის ასლი;

6.სავარაუდო სამეცნიერო ხელმძღვანელის თანხმობა;

7.შესაბამის სფეროში ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 3 წლიანი გამოცდილების დამადასტურებელი დოკუმენტი;

8.საკვლევი თემის განვითარების ხედვა წერილობით;

9.უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში);

10.წვევამდელის სამხედრო-სააღრიცხვო მოწმობის ასლი (ან სამხედრო ბილეთი, ასეთის არსებობის შემთხვევაში);

11.ფოტოსურათი (3X4) ;

საკონტაქტო პირი - მარიამ მურჯიკნელი, 599 899 864 (ორშაბათი - პარასკევი 10:00 – 17:00 სთ), mariam.murjikneli@tsu.ge